இந்த பதிவில் இடப்படும் இடுகைகள் காப்புரிமை பெற்றவை.

Monday, May 31, 2010

குவாண்டம் தியரியும் இருக்கும் துகள்களும்-38

என்னாட இது இவ்வளவு நாளா எலக்ட்ரான், புரோட்டான் ன்னு பார்த்துட்டு இப்போ என்ன அந்த ஆன் இந்த ஆன் ன்னு சொல்றானே, அது மட்டும் இல்லாம நாலே நாலு விசை தான் இருக்கா? மத்தெத்ல்லாம் எங்க ன்னு கேக்கலாம். வெப்பம், ஒளி, உராய்வு போன்ற அனைத்து விசைகளும் மின்காந்த விளைவு என முன்னாடியே பார்த்திருக்கோம். மத்த விசைகளை பத்தியும் முன்னாடி பார்த்திருக்கோம். சரி விசயத்திற்கு வருவோம்.

எப்படி மின்காந்த விசையை கொண்டு மேலே சொன்ன விசைகளை புரிஞ்சுக்கறமோ அதே மாதிரி இந்த அணுவுக்குள்ள என்ன நடக்குதுன்னு புரிஞ்சுக்க முயற்சி பண்றாங்க. இதுக்கு ஒரு எடுத்துக்காட்டு பார்க்கலாம். மின்சாரம் எலக்ட்ரான்களால் கடத்தப்படுதுன்னு கண்டுபிடிச்சப்புறம் எப்படி எலக்ட்ரான்களால் கடத்தப்படுதுன்னும் கண்டுபிடிச்சாங்க. ஒரு மூலக்கூறில் ஒரு எலக்ட்ரான் னுக்கான இடம் காலியா இருக்கும் போது ஒரு பக்கம் இருந்து தரப்படும் எலக்ட்ரான் அப்படியே போய் அடுத்த பக்கம் போகுது. எப்படி பல்லாங்குழி ஆடறப்போ ஒரு கல் எடுத்து ஒவ்வொரு குழியா போட்டுட்டே போறமோ அப்படி. இதனால என்ன பயன்?

இத கட்டுப்படுத்த முடியும். நமக்கு தேவையான அளவு மட்டும் மின்சாரத்தை கடத்த முடியும். அப்படி செஞ்சு தான் கணினியில் இருந்து அனைந்து மின்சார சாதங்களும் வந்திருக்கு. இதையே மத்ததுக்கும் யோசிச்சு பாருங்க. குறைவான எரிபொருளில் பயணம் செய்யலாம். தேவையான அளவு மின்சாரம் உற்பத்தி செஞ்சுக்கலாம். கடல் நீரில் இருந்து மிக குறைவான செலவில் நல்ல நீர் வடிகட்டிகலாம்.

ஆனா இதுல இருக்கற சிக்கலே இத புரிஞ்சுக்கறதுதான். போன பதிவில் குளுயான் ன்னு ஒரு துகள் பார்த்தோம். அந்த துகளுக்கு அர்த்தம் ஒட்டும் துகள். ஆங்கிலத்தில் பசை என்ற வார்த்தையும் ஆன் என்ற வார்த்தையும் சேர்த்து உருவாக்கப்பட்டது. இது என்ன பண்ணும்? புரோட்டான் மற்றும் நீயூட்ரானில் உள்ள குவார்க்குகளை பிணைத்து வைத்திருக்கும். இத தூது துகள் எனவும் சொல்லுவாங்க.

இன்னொரு விதமா சொல்லும்னா ஒரு விசைக்கு துகள் என்ற அடையாளம் குடுத்திருக்காங்க. இத புரிஞ்சுக்க அலை-துகள் இருமை பற்றி முன்னாடியே சொன்னத நினைவுக்கு கொண்டுவாங்க.

No comments:

Post a Comment