இந்த பதிவில் இடப்படும் இடுகைகள் காப்புரிமை பெற்றவை.

Wednesday, June 9, 2010

குவாண்டம் தியரியும் இருக்கும் துகள்களும்-39

இந்த பதிவில் அடிப்படை துகள்கள் தவிர மற்றயவை பத்தி பார்க்கலாம். போன பதிவுக்கு முன் பதிவுல அடிப்படை துகள்கள் 17 ன்னும் மற்றயவை இருநூறு க்கும் மேல் வரும் என பார்த்தோம். அந்த துகள் எல்லாம் இடைப்பட்ட துகள். இந்த துகள்களின் ஆயுசு ரொம்ப குறைவு. அதாவது தோன்றிய உடனே இவைகள் வேறு துகளாக மாறிடும். அப்படீன்னா இவைகளை எப்படி கண்டுபிடிக்கறாங்க? எல்லாம் கணிணியும் மற்றைய மிண்ணணு சாதங்களின் மூலமாகத்தான். எப்படி கண்டுபிடிக்கறாங்க என்பது பற்றி பின்னால் பார்க்கலாம்.

வேதியியலில் இரண்டு பொருட்கள் வினை புரிந்து மற்றொன்றாக மாறும் என படிச்சிருப்போம் இல்லையா? இங்கேயும் அதேமாதிரி தான். கீழ்க்கண்ட மாதிரி இருக்கும்

பாதரசம்-197 ----> தங்கம்-197 + நேர் கேயான்

இந்த கேயான் எனும் துகள் ஒரு நொடியை ஒன்றுக்குக்குப் பக்கத்தில் எட்டு பூஜ்ஜியங்கள் போட்டு வகுத்தால் கிடைக்கும் நேரமே இருக்கும். நெம்ப கம்மி நேரம் தான் இருக்கும். பின்பு அது குவார்க்குகளாக பிரிந்துவிடும்.

சரி, இந்த இடைப்பட்ட துகள்கள் அனைத்தையும் அடிப்படை துகள்கள் மூலம் சொல்லமுடியும் அல்லது இவை உருவான உடனே வேறு துகள்களாக மாறி விடுகின்றன என்றால் இவைகளால் என்ன பயன்? இந்த கேள்விக்கு பதிலளிக்க இதுவரை பார்க்காத பெரு வெடிப்பு கொள்கையை பார்க்கவேண்டும். இதுவும் என்ன புதிசா உள்ள வருதுன்னு கேக்குறங்களுக்கு பதில். பெருவெடிப்பு, சார்பியல் கொள்கை, அடிப்படை அமைப்பு, குவாண்டம் கொள்கை இவை எல்லாமே தனித்தனியா ஒரு செயலையோ அல்லது ஒரு அமைப்பையோ விளக்குபவை . ஆனா இவைகள் எல்லாம் சேர்ந்து ஒரு கொள்கை வரலை. இதுக்குதான் எல்லாரும் முயற்சி செய்றாங்க.

பெருவெடிப்பு கொள்கை என்பது இந்த பிரபஞ்சம் ஒரு ஆயிரம் அல்லது இரண்டாயிரம் கோடி வருடங்களுக்கு முன் நடந்த வெடிப்பு மூலம் தோன்றியது. அப்போது இப்போது இருக்கும் இயற்பியல் விதிகள் ஏது அங்கு வேலை செய்திருக்காது. பெருவெடிப்பின் மூலம் தோன்றிய நுண்ணலை கதிர்வீச்சு இன்னமும் உள்ளது. ஆமாம் இந்த கதிர்வீச்சு இப்போதும் உள்ளது, நீருபிக்கப்பட்டதுள்ளது. கொள்கைப்படி, பெருவெடிப்பின் போது துகள்களும் எதிர் துகள்களும் சரிக்கு சமாக இருந்திருக்கவேண்டும். அப்படி இருந்திருந்தால் உலகம் தோன்றியிருக்காது. (ஒன்றை ஒன்று அழித்திக்கொண்டிருக்கும்). ஆனால் அப்படி இல்லாமல் போனதால் தான் உலகம் தோன்றியிருக்கிறது. இது எப்படி நடந்திருக்க முடியும் என ஆராய்வதில் தான் அந்த இடைப்பட்ட துகள்கள் இருக்கின்றன.

ஒரு புகழ்பெற்ற விஞ்ஞானி சொல்லிய சொற்றொடர் இதை இன்னும் எளிமையாக விளக்கும். நீச்சல் குளிக்க போகிறவர்கள் அணிந்திருக்கும் உடையுனே குளிப்பதில்லை அல்லவா? அது போல் இந்த துகள்களும் மற்றயவை ஆக மாறலாம்.

மேலும் இந்த இடைப்பட்ட துகள்கள் கொஞ்சம் திருட்டுதனமும் பண்ணும். அதென்ன திருட்டுதனம். ஒரு நேர் துகள் தீடீர்ன்னு எதிர் துகளாக மாறிடும். இப்பதான் இங்க இருந்துச்சு ன்னு தேடினா வேற துகள் தான் இருக்கும். இதுமட்டும் இல்லாது இந்த இந்த மாதிரி இருக்கனும் ன்னா இருக்காது. அதெயெல்லாம் பத்தி தெரிஞ்சுக்க துகள்ளோட தன்மைகள் பத்தி அடுத்ததில் பார்க்கலாம்

ராஜசங்கர்

2 comments:

rk guru said...

இது பெரிய தேறிதான்....

உங்களுக்கு ஓட்டு போட்டாச்சு என் பதிவு தமிளிஷ்யில் வெளியாகி உள்ளது. எனக்கும் ஒரு ஓட்டு போடுங்க...
http://rkguru.blogspot.com/2010/06/blog-post_08.html

VELU.G said...

மிகவும் உபயோகமான பதிவு

சமீபத்தில் தான் பார்த்தேன்

ஆனால் ஆரம்பத்தில் இருந்து படித்து புரிந்துகொள்ள முயற்சித்து கொண்டிருக்கிறேன்.

நன்றி

Post a Comment